Masaligon ang pamunuan sa Department of Finance nga molambo ang ekonomiya sa nasud karong tuiga.
Matod ni Finance Secretary Ralph Recto, ilang target nga makab-ot ang 5.4 ngadto sa 6.5 porsiyento nga pagtubo sa gross domestic product sa nasod.
Sa miaging tuig, ang gross domestic product nga pagtubo natala sa 5.6%, mas ubos sa ilang target nga 6 ngadto sa 6.5%.
Ingon man nga gilauman nga motubo sa 6% ngadto sa 7% ang ekonomiya sa Pilipinas gikan sa 2026 ngadto sa 2028.
Mas ubos kini og gamay sa target nga 6 ngadto sa 8 porsyento.
Sa gisaysay ni Recto, ang pagkunhod sa target wala magpasabot og pagkunhod sa ambisyon, kon dili pamatuod sa maalamon nga pagdumala sa piskaliya ug pagsalig sa katakos sa pagtuman sa mga plano pinaagi sa maalamong paggasto.
Dugang pa niya nga ang gobyerno nagpabiling kompiyansa sa paglambo sa ekonomiya bisan pa kon ang Estados Unidos magpatuman ug 19% nga taripa sa mga produkto sa Pilipinas.
