Giklaro sa Department of Health-Central Visayas nga ang leptospirosis dili lang makuha pinaagi sa baha o paglambigit sa mga ilaga.
Gikanayon ni Dr. Eugenia Mercedes R. Cañal, medical officer IV sa Regional Epidemiology and Surveillance Unit (RESU), nga ang sakit gipahinabo sa bakterya nga gidala sa mga hayop—dili lang mga ilaga, apan uban pang mga espisye sama sa mga hayop sa uma ug mga iro.
Tungod kay ang mga mananap man ang nag-unang nagdala niini nga bakterya, inay ang leptospirosis giisip nga usa ka zoonosis nga sakit.
Dugang pa sa doktor, dili lang sa tubig sa baha makuha ang maong bakterya gumikan mahimo usab kini nga mapasa pinaagi sa yuta (soil) o tubig nga nakontamina sa ihi sa bisan unsang mananap nga aduna niining maong sakit.
Subay niini, ang pinakataas nga ihap sa mga kaso gitaho sa Bohol, Probinsya sa Cebu, Dakbayan sa Cebu, Dakbayan sa Lapu-Lapu, ug Dakbayan sa Mandaue, ug gikan sa Enero 1 hangtod Setiyembre 8, ang Central Visayas nakatala og 273 ka kaso sa leptospirosis, lakip ang 18 nga namatay.
