CENTRAL VISAYAS- Mipahimangno ang Department of Health- Central Visayas sa Publiko, nga maglikay sa mga lugar nga adunay mga baha o posibleng kontaminado sa mga sakit sa baha hilabi na sa leptospirosis.
Dugang usab sa buhatan nga kinahanglang magpakonsulta dayun sa mga Doktor, kung ugaling makasinati og mga sintomas sa mga sakit sa baha ug likayan ang pagpataka og inom sa bisan unsang tambal nga wala gi-resita sa mga Doktor.
Matud usab sa Department of Health- Central Visayas-Center for Health Development (DOH-CHD) nga ang pag-inom og tambal nga wala gi rekomendar sa Health Professional, posibleng makadaot sa panglawas.
Gibutyag ni DOH-Central Visayas Regional Director, Joshua Brillantes, nga ko ugaling makasinati na ug mga simtomas sa mga sakit sa baha sama sa leptospirosis, moadto dayun sa mga health centers o mga tambalanan aron nga mahatagan og prophylaxis batok niini./
Miawhag usab si Brillantes, nga mopatou sa mga pahimangno sa mga nagkadaiyang Local Government Units aron malihay sa baha ug dili magkasakit.
Samtang, sigon usab sa opisyal nga aduna nay mga kaso sa leptospirosis sa wala pa ang bagyo, apan miapod-apod kini og mga tambal alang sa pagpugong sa maong kaso.
