CEBU CITY-Wala girekomendar sa Department og Health (DOH-7) ang pagsul-ob og surgical mask taliwa sa kahadlok sa public human kompirmadong aduna na’y nagpositibo sa N-COv sa Pilipinas.
Matud ni Dr. Jaime Bernadas, ang Regional Director sa DOH-7 nga dili angayan magpanic gumikan kay andam na ang ilang buhatan kalabot niining maong hisgutanan. Gani gihimug-atan pa niini nga ang pagsul-ob og mask dili usab makatabang sa pagpanalipod niining maong sakit.
Ang angayan lamang nga magsul-ob niini mao ang mga indibidwal nga dunay gihambin nga sakit sama sa flu ug uban pang mga respiratory illness. Gipasabot usab sa buhatan nga ang naasoy nga virus ang dili makatakod pinaagi sa hangin inay kini pinaagi sa pakigcontact sa tao nga nagpositibo sa maong virus pinaagi sa pag-ubo, sip-on og pagbahing.
Kanunay nga pahimangno ni Bernadas nga mamahimong vigilant gyud kanunay ug gawas sa pagmintinar sa maayong panglawas, angayang magpuyo lang sa balay kung walay lakaw.
