Nakatala ang buhatan sa Department of Health Central Visayas og 9 ka kaso sa acute stroke diin usa niini ang namatay og laing 3 ka kaso sa acute coronary syndrome og 1 ang nakalas laing ug 25 ka kaso sa Bronchial Asthma.
Sa kinatibuk-an adunay 37 ka kaso sa chronic related nga mga kaso sa sakit diin duha usab niini 2 ang nakalasan sa kinabuhi, ang maong mga datos natala gikan sa Desyembre 21 hangtod na sa Disyembre 31 sa tuig 2025.
Sa pikas bahin, nakatala ang buhatan sa Department of Health – Central Visayas (DOH-7) og 40 ka mga kaso sa firecracker-related injuries sa rehiyon karong holiday season.
Kini sumala sa report gikan sa ahensya sukad niadtong Disyembre 21 hangtod 31, 2025 nga gikan sa 19 ka mga tambalananm diin duha niini kay sentinel hospitals, nga ginabantayan sa DOH-7 alang sa mga firecracker-related injuries.
Mas taas kini kun itandi sa 2024 nga datos diin aduna lay 34 ka mga kaso sa nangaangol sa pabuto sa 18% nga pagsaka.
Nag-una ang probinsya sa Sugbo sa listahan nga adunay 15 ka ihap, gisundan sa dakbayan sa Lapu-lapu sa 11 ang ihap, dayon sa probinsya sa Bohol sa 8 ang ihap, sunod ang dakbayan sa Sugbo sa 5 ang ihap, ug bugtong nga usa ka kaso sa dakbayan sa Mandaue.
Kini tanan kay mga firecracker-related injuries diin walay natala sa fireworks injestion (pagkahilo sa pabuto), ug stray bullets (saag nga bala).
Padayong pahimangno sa ahensya sa publiko nga mutawag dayon sa hotline 911 o sa DOH-7 Regional Patient Navigation and Referral Unit Hotline #0711 alang sa hinadaling emergency medical assistance.
