Mas palig-unon ug palapdan pa sa Department of Health Central Visayas Center for Health Development (DOH-7) ang kahibalo sa Cardio-Pulmonary Resuscitation (CPR) ngadto sa matag panimalay diri sa rehiyon.
Kini subay sa pagsaulog sa National Cardio-Pulmonary Resuscitation Day sa ilang kampanya nga mapalapad ang kahibalo sa publiko nga nahisubay sa Proclamation No. 511.
Gibutyag ni Dr. Shebay Blanco, ang Medical Officer IV sa Regional Health Emergency Management Services (RHEMS) sa DOH-7 diin gihimug-atan niini ang kamahinungdanon sa tukmang paghatag og CPR diha-diha dayon ugn adunay indibidwal nga nakasinati og kakulian sa kalawasan.
Dugang pa ni Blanco nga kung adunay masugatan nga makuyapan, importante nga adunay kahibalo mo-perform sa CPR aron maluwas kung buhaton suldo sa 10 ka minutos sukad sa kakulian.
Gipamatud-an na kini sa pipila ka mga pagtulun-ang medical nga ang tukang pag-perform sa CPR kay makapadako sa survival rate ngadto sa 50%.
Gihisgutan usab iini ang “5 Cs” sa hands-only CPR nga mao ang musunod:
- I-check kung luwas ba ang palibot ug kung muresponde ba ang pasyente;
- Panawag of emergency assistance kung walay response ang pasyente;
- Tabuni ang baba sa biktima gamit og mask o panapton aron malikayan ang impeksyon;
- I-compress ang dughan sa rate nga 100-120 beats per minute; ug
- Kung adunay Automated external defibrillator (AED) ka i-connect kini og sundon ang mga gihatag nga instructions.
Apan nipahimangno sab ang opisyal nga kung sayop ang pag-perform sa CPR kay posibling makapasamot pa kini sa balatian pasyente.
Gisaysay sa DOH-7 nga sa panahon sa emerhensiya,importante ng matag segundo ug ang dali ug tukman pag-perform sa CPR kay makaluwas sa kinabuhi.
