CEBU CITY — Mipahibalo ang Department of Health (DOH)-7 nga nagpabiling luwas ang Sugbo sa coronavirus disease o COVID-19.
Matud ni DOH-7 Director Dr. Jaime Bernadas nga negatibo sa COVID-19 ang 16 ka mga specimen nga gipadala sa Research for Tropical Institute for Tropical Medicine (RITM) ug aduna pay laing specimens ang gipadala ngadto sa maong buhatan.
Samtang gihuwat usab nila ang resulta sa tulo ka mga specimens gikan sa RITM.
Dugang pa ni Bernadas nga wala pa silay nadawat nga report kung nalakip ba ang taga-Cebu sa 45 ka mga bag-ong coronavirus cases sa nasud.
Sa kasamtangan, anaa na sa 164 ang patients under monitoring sa Bohol, samtang 31 usab ang PUMs sa Cebu, 391 sa Negros Oriental, ug upat sa Siquijor.
Sa entero lalawigan sa Sugbo, anaa sa 31 ang naka-home quarantine ug 19 usab ang naka-facility quarantine.
Samtang anaa sa 40 ang under monitoring sa Cebu City, 41 sa Lapu-Lapu City, ug 36 sa Mandaue City.
Nakagawas na sa tambalanan ang 150 ka mga patients under investigation (PUI).
