CENTRAL VISAYAS-Susihon sa Department of Health – Central Visayas (DOH-7) ang discrepancies sa ilang datos sa mga gidudahang mga kaso sa Mpox sa nagkalain-laing Health Offices sa mga lungsod ug dakbayan sa tibuok Central Visayas.
Matod pa ni Eugenia Mercedes Cañal, ang Regional Epidemiologist sa DOH-7 diin gitataw niya nga adunay nagkalahi-lahi nga datos ang makuha ug mataho tungod sa nagkalain-laing pud nga procedures nga ilang gisunod.
Apan nagdumili sa pagbutyag sa mga lugar sa rehiyon nga adunay gidudahang kaso sa mpox ang opisyal nga nag-ingon nga ang Communication Management Unit (CMU) lamang sa DOH-7 ang makapagawas ug dugang datos.
Dugang pa ni Cañal nga kinahanglan pa nilang i-validate ang datos ug kumpirmahon kini pinaagi sa pagpadala sa sa mga sample sa kaulohan sa Research Institute of Tropical Medicine (RITM).
Padayong gipasidan-an sa ahensya ang publiko batok sa makatakod nga sakit nga mpox.
