METRO MANILA-Gibag-o sa Department of Health (DOH) ang ilang advisory sa publiko aron malikayan ang impeksyon sa mpox.
Kung diin ang Department of Health (DOH) nitambag sa mga sexually active nga indibidwal nga magpraktis og virtual sex o “self-pleasure” sa kasamtangan, kini isip precautionary measure batok sa mpox.
Matod sa DOH, imbes likayan ang pakighilawas, adunay kapilian ang mga partner nga makighilawas pinaagi sa ‘virtual’.
Giingong dili usab kinahanglan nga maghikapanay inay “self pleasure” lang nga layo sa partner.
Giklaro pa ni Health spokesperson Albert Domingo nga ang giingon nga ilang gibutang sa mga handout sa DOH mao ra usab ang gigamit sa ubang kanasuran.
Kahinumduman nga makadaghang higayon nga gisulti sa DOH nga aron malikayan ang bisan unsang impeksyon sa mpox, likayan ang pagkontak sa lawas.
