METRO MANILA-Subling nanawagan ang Department of Health sa mga pasyente nga adunay leptospirosis nga dili magtapok sa National Kidney and Transplant Institute (NKTI) ug San Lazaro Medical Hospital ug adto na lang sa ubang mga tambalanan.
Ang maong ahensiya mihimo sa maong panawagan human nidagsa ang mga pasyente sa duha ka nahisgutang tambalanan.
Sa usa ka pamahayag, si Health Spokesperson ug Assistant Secretary Albert Domingo miingon, gawas niini, ang ubang mga ospital aduna usab kapasidad ug katakus sa pagtambal sa mga pasyente nga apektado sa leptospirosis.
Nanawagan usab kini sa publiko nga magpakonsulta dayon sa doktor kung adunay mga simtomas sa maong sakit.
Matud pa niya nga mas maayo nga malikayan ang mga komplikasyon tungod sa leptospirosis.
Mahimong mokontak o motawag sa mga numero sa DOH Metro Manila ug DOH central hotline.
