Nangayo og tabang ang buhatan sa Department of Health sa kagamhanan sa Probinsya sa Sugbo, alang sa dugang nga mga ambulansiya, medical personnel og mga liason officer alang sa umaabot nga ASEAN SUMMIT.
Matud ni Cebu Provincial Governor Pamela Baricuatro, nga andam mohatag ang kagamhanan sa probinsya sa kung unsay kinahanglan sa buhatan, hilabi na maylabot sa tabang medical.
Sigon usab ni Baricuatro nga subsob na usab ang pagpangandam sa kagamhanan hilabi na sa pag-abi-abi sa mga liderato sa ASEAN Tourism Forum (ATF) 2026.
Gibutyag usab sa opisyal nga ang pagbisita sa mga lider sa kalibutan ug uban pang mga delegado usa ka oportunidad aron ipakita ang kaanindut sa kinaiyahan ug mga kabilin sa Sugbo.
Sagad sa mga destinasyon nga adtoan sa mga delegado, kadaghanan niini anaa sa habagatang bahin sa Sugbo, sama sa; Oslob, Bojo River sa Aloguinsan ug ang Museo Sugbo nga gidumala sa Probinsya nga anaa sa Dakbayan sa Cebu.
Gisiguro usab sa kagamhanan nga ang tanang mga pansayan sa mga nagkadaiyang tourist spots magamit og presentable.
