Nag-andam ang Department of Labor and Employment (DOLE) og P1.2 bilyon nga pundo para sa mga programa nga gigahin para sa mga vulnerable nga trabahante.
Gigahin ang maong pundo human sa deklarasyon sa National Energy Emergency ni Presidente Ferdinand Marcos Jr. tungod sa gubat sa Middle East.
Agig pagpangandam para sa Unified Package for Livelihoods, Industry, Food, and Transport (UPLIFT) nga programa, gusto nilang masiguro ang kaayohan sa mga mamumuo.
Gigahin ang maong budget para sa mga dagkong programa sa social protection sa DOLE sama sa “Tulong Panghanapbuhay sa Ating Disadvantaged/Displaced Workers” (TUPAD) nga programa ug ang DOLE Integrated Livelihood program (DILP).
Dugang pa sa DOLE nga padayon silang nakig-alayon sa Overseas Workers Welfare Administration (OWWA) ug sa Department of Migrant Workers (DMW) aron matabangan ang mga OFW nga naapektuhan sa kagubot sa Middle East.
