Giawhag ni Department of Labor and Employment (DOLE) Undersecretary Benjo Benavidez ang mga minimum wage earners nga mo-avail sa Ayuda sa Kapos Ang Kita Program o AKAP.
Matod ni Benavidez, nga ang maong programa gituyo nga gihimo aron matabangan ang mga trabahante nga nagsweldo sa minimum nga sweldo ug ubos sa minimum nga suholan.
Diin mamahimong makakuha ang ga trabahante og salary certification gikan sa ilang mga amo ug isumiter kini sa DSWD.
Ingon man nga ang tanang aplikasyon kay ipasusi basi sa guidelines nga gisunod sa pagpatuman niini ug tan-awon kung nakapasar ba sila ug mahimong benepisyaryo.
Matod sa opisyal sa DOLE, kon sila mahimong benepisyaryo, ipahibalo usab sa publiko ang ilang mga rekord, ug kini makita sa Commission on Audit (COA), basi sa katungdanan niini sa pag-audit sa pundo sa publiko.
Basi sa 2025 General Appropriations Act (GAA) nga gipirmahan ni Presidente Ferdinand Marcos Jr., ang kontrobersyal nga AKAP kay usa ka government assistance program ubos sa Department of Social Welfare and Development (DSWD) ug sa National Economic Development Authority nga adunay P26 bilyones nga pundo alang ning tuiga.
