CEBU – Andam mdunol og hinabang ang Cebu City Department of Public Services (DPS) sa pamilya sa usa ka mtotrcycle rider kinsa namatay human maligsan sa usa sa mga garbage trucks sa dakbayan sa Sugbo sa Barangay Talamban.
Nahitabo ang aksidente sa taliwa sa Barangay Cabancalan sa dakbayan sa Mandaue ug Barangay Talamban sa Cebu City pasado alas 6 sa buntag niadtong Miyerkules , Hunyo 1.
Giila ang biktima nga motorcycle rider nga si Kent Jaban Duterte residente sa Sitio Colo, Barangay Lahug.
Sa pakighinabi sa Bombo Radyo Cebu kang Atty. John Jigo Dacua, ang pangu sa DPS, gibutyag niini nga naghuwat pa sila sa report nga gikan sa kapulisan kalabot sa insidente.
Nagbutang usab ang liason officer sa police staation kung diin temporaryong natanggong ang driver nga si si Benjamin Morga, 56 anyos , residente sa Barangay Bonbon, sa dump truck samtang gahuwat sa police proceedings.
Nangayo og pasensya si Dacua sa maong aksidente gumikan walay gustong mahitabo ang sa ingon ug nidugang nga andam modunol og hinabang ang ilahang buhatan sa pamilya sa biktima.
Mangita ang DPS og budget o paagi aron matabangan ang nahabiling pamilya.
Sa kasamtangan, dili tugotang maka-drive samtang pending pa ang imbestigasyon.
