Nagpa-vasectomy si Drew Arellano.
Sa iyang Instagram, ang “Biyahe ni Drew” host mi-share og litrato sa iyang kaugalingon nga naghigda sa hospital bed.
Ang maong pagpaubos sa vasectomy ni Drew kay nakaani og nagkandaiyang reaksyon social media hilabi na nga bag-o lang nanganak ang iyang asawa nga si Iya Villania sa ilang ikalima nga anak.
Matud sa uban nga ‘no more little biyahero no. 6’ na.
Nagminyo sila Drew ug Iya niadtong 2014 ug adunay lima ka anak nga mao sila si Primo, Leon, Alana, Astro, ug Anya.
Gani, niadtong 2023, ni-open up si Drew sa iyang plano nga magpa vasectomy.
Ang vasectomy kay usa ka minor surgical procedure, nga magpugong sa lalaki nga makapagawas og sperm sa iyang lawas.
Gipasiugda sa Commission on Population and Development (POPCOM) ang non-scalpel vasectomy isip usa ka matang sa contraceptive alang sa mga lalaki diin giingong 99.8% nga epektibo kini ug kausa ra kini buhaton.
