Patay ang driver sa usa ka motorsiklo human kini napasok sa truck dihang mibangga sa usa ka tourist van sa national highway sa Barangay Lugo, Lungsod sa Borbon niadtong Huwebes, Agosto 27, 2026.
Giila ang biktima nga si alyas John, 27 anyos, residente sa Barangay Lambusan, Lungsod sa San Remigio.
Samtang ang Tourist Van kun asa kini mibangga gimaneho ni alyas Wendel, 46 anyos, nga residente sa Barangay Maslog, Lungsod sa Tabogon ug ang Truck kun asa napasok ang biktima gimaneho usab ni alyas Elmer, 50 anyos, molopyo sa Barangay Sandayong Norte, Dakbayan sa Danao.
Base sa inisyal nga imbestigasyon sa Borbon Municipal Police Station ang Tourist Van naglatas sa amihanang bahin.
Samtang ang Truck ug motorsiklo kay nagbiyahe sa Habagatang bahin sa lane.
Pag-abot sa naasoy nga dapit, ang motorsiklo giingong nilapas sa pikas lane ug aksidente nibangga sa Tourist Van.
Gumikan sa impact sa panagbangga, ang motorsiklo ug driver niini nalabay pabalik sa lane niini kun diin aksidente kining napasok sa atubangan nga bahin sa truck ug naguyod.
