CEBU CITY-Nasikop ang lima ka indibidwal sa Philippine Drug Enfocement Agency 7 nga inabagan sa Mambaling police stationsa Maya Street, Barangay Basak San Nicolas sa dakbayan sa Sugbo.
Lakip sa nadakpan ang drug den maintainer nga si Jonathan Sollo 41-anyos kinsang nakaangkon og bun-og sa lawas human nga misuway og ikyas.
Ingon man nga nasakmit gikan sa mga suspetsado ang 4 ka pakete sa gituohang shabu nga adunay timbang nga 15 gramos ug gibana-banang mobalor og P102,000.
Matod pa ni Leia Alcantara, ang tigpamaba sa PDEA-7 nga nakadawat ang ilang buhatan og report kalabot sa pagpadagan sa drug den sa maong dapit.
Ug gipaubos kini sa tulo ka semana nga case build up ug nasuta nga makabaligya ang ilang target og 20 grams nga shabu sa matag semana.
Nag-atubang sa kasong kalapasan sa sections 5, 6, 7, 11, ug 12, Article II of RA 9165 nga gipasaka sa PDEA-7 niadtong Pebrero 16, 2024.
