CEBU CITY-Wala nagustuhi ni PCol. Gemma Vinluan kinsang City Director sa Cebu City Police Office (CCPO) ang nahitabo sa kauluhan kung diin nakagawas sa New Bilibid Prison ang mga dagkong drug personality o mga druglords tungod sa Good Conduct Time Allowance (GCTA).
Matud ni Vinluan nga bisan plea bargaining dili siya muuyon sanglit isip usa ka pulis nakita matud pa niini ang epekto sa drogas sa usa ka tao.
Gihimug-atan pa ni Vinluan nga gusto pa niini nga death penalty ang isilot sa mga drug personality aron usab nga dili na kini makagawas pa.Dali ra matud pa nga magpaka-aron ingnon nga nagbinut-an, apan ang tinood nga pagbago ang lisod gyud matud pa nga buhaton.
Kung duna man matud pa pagawason, mas maka-angayon ang kadtong mga dunay gamay nga mga offense apan ang mga nalambigit sa iligal nga drogas, kung pwede palang sigon sa Director nga ibitay sa punu-an sa kahoy.
