Gikatingala ni Cebu City Councilor Niña Mabatid nga dugay gi-release ang iyang resulta sa drug screening nga gipahigayon sa Cebu City Office of Substance Abuse Prevention (COSAP).
Matod pa ni Mabatid nga human sa gipahigayon nga drug test sa COSAP dali usab siya nga nagpa drug test sa National Bureau of Investigation (NBI) gumikan matod pa aduna siyay pagduda sa COSAP.
Dali ra usab nakuha ang resulta niini kung diin negatibo. Gani nagpa-drug test usab ang konsehal sa susama nga laboratory nga gigamit sa COSAP ug 1-ka oras lang ang iyang pagpaabot ug nakuha na niini ang resulta kung diin negatibo lang gihapon.
Butang nga nga gikatingalahan ni Mabatid kung diin dugay man ang resulta sa COSAP nga sa dihang gapa drug test nakuha raman niya dayun.
Sigon pa ni Mabatid nga aduna silay wala pagkasinabtanay sa COSAP Head nga si Jona John Rodriguez hinungdan sa pagduda ni Mabatid nga basin adunay pag-sabotahi sa iyang resulta sa drug test.
Samtang wala usa tubaga ni Rodriguez kun positive o negative ba ang resulta sa drug test ni Mabatid.
Matod pa niini nga in ‘due time’ niya pagatubagon ang maong resulta sa konsehal.
Kini subay na sa taho nga matod pa katingangalahan gumikan dugay man nakuha ang resulta niini. (Lahvi Quiñones)
