CENTRAL VISAYAS-Miabot na sa 95 porsiyento ang mga benepisyo sa social pension program sa gobyerno sa Central Visayas matod pa sa Department of Social Welfare and Development – Central Visayas (DSWD-7).
Ang datus sa DSWD-7 nagpakita nga kini nga porsyento katumbas sa 285,521 gikan sa 299,737 ka mga senior citizens sa rehiyon-7, nga nakadawat og cash stipends sa ikatulong quarter sa 2024.
Ang mga kabus nga senior citizens makadawat og binuwan nga social pension nga P1,000 aron makatabang sa ilang mga batakang panginahanglan, nga karon mokabat na og P9,000 karong quarter.
Kini nga social pension magamit lamang sa mga katiwguwangan nga masakiton o kinsa “wala makadawat bisan unsang pension o regular nga suporta gikan sa ilang mga pamilya.”
Alang sa mga dili makatambong og personal sa payout tungod sa lisud na nga mga kahimtang, ang mga social worker sa DSWD-7 ang maghatud sa cash assistance.
Niawhag sab si Shalaine Marie Lucero, ang Regional Director sa DSWD-7 niawhag sa mga local government units (LGUs) sa pagpatuman sa ilang kaugalingong mga programa aron maseguro nga ang ubang mga tigulang makabenepisyo sa maong mga inisyatiba.
Namatikdan sa ahensya nga daghang mga senior citizens, partikular na sa mga bukirang bahin ang wala gihapon maapil sa social pension program tungod sa limitado nga gidaghanon sa available nga mga slots.
Kini nga inisyatiba nakaangkla sa duha ka mahinungdanong programa nga nagsuporta sa mga senior citizen: ang Social Pension Program ug Republic Act 10868, o ang Centenarian Act of 2016.
Sukad napasar ang balaod niadtong 2016, ang DSWD-7 nanghatag na og cash gifts sa 982 ka centenarians sa rehiyon.
Sa 2025, ang hingpit nga pagpatuman sa RA 10868 ibalhin ngadto na ngadto sa National Commission of Senior Citizens.
