CENTRAL VISAYAS-Nakatala ang Department of Social Welfare and Development (DSWD) Central Visayas ug kinatibuk-ang 75,446 ka bag-ong Pantawid Pamilyang Pilipino Program (4Ps) beneficiaries ubos sa Set 12, sumala ni Marico Rote, beneficiary data management (BDM) focal person.
Sa sayo pa, si Rote nipahibalo nga target sa ahensya nga marehistro ang 90,242 ka benepisyaryo sa 4Ps, apan giingong pipila sa mga aplikante ang na-disqualify atol sa verification ug evaluation process.
Ang ubang mga potensyal nga benepisyaryo wala makit-an sa ilang registered address sa panahon sa proseso sa pag-verify, samtang ang uban napakyas sa pagsunod sa mga kinahanglanon sa dokumentaryo sa programa.
Ang mga aplikante nga walay kompleto nga mga dokumento giawhag nga makig-alayon sa labing duol nga buhatan sa DSWD o sa city/municipal social welfare and development office sa ilang tagsa-tagsa ka lokalidad.
Sa 75,446 ka bag-ong 4Ps beneficiaries, niabot sa 33,859 ang gikan sa Cebu Province, laing 14,803 gikan sa Bohol; 26,742 gikan sa Negros Oriental; ug 762 gikan sa Siquijor.
