DSWD, andam motabang sa mga jeepney drivers nga naapektuhan sa Public Utility Vehicle Modernization Program

Andam ang Department of Social Welfare and Development nga motabang sa mga jeepney driver nga apektado sa pagpatuman sa Public Utility Vehicle Modernization Program (PUVMP).

Matud pa ni Assistant Secretary for Disaster Response Management Group Irene Dumlao nga dili magpanuko ang buhatan sa DSWD nga mohatag og hinabang sa mga naapektuhan.

Ingon man nga bisan nga wala pa sila makadawat og request apan, sa dihang adunay moduol sa ilaha, tubagon dayon kini sa DSWD.

Lakip sa mga interbensyon nga ihatag mao ang food o cash assistance ubos sa Assistance to Individuals in Crisis Situation ug livelihood programs ubos sa Sustainable Livelihood Program o kon SLP.