Gihimakak sa Department of Social Welfare and Development (DSWD) ang sayop nga impormasyon nga mikatap bahin sa pag-apod-apod sa cash relief assistance sa mga PUV driver.
Sumala ni DSWD Secretary Rex Gatchalian, kabahin sa mandato sa ahensya ang paghatag og tabang sa mga sektor nga naapektuhan sa krisis, labi na taliwala sa pagsaka sa presyo sa lana.
Giklaro sa kalihim nga ang P5,000 nga tabang gikan sa pondo sa gobyerno alang sa mga drayber nga naapektuhan ang panginabuhi.
Giinsistir usab niini nga ang pasangil sa “ghost beneficiaries” dili tinuod ug ang DSWD wala gayud mangayo og voting precinct gikan sa mga benepisyaryo.
Gipasalig sa ahensya nga hugot ang beripikasyon aron malikayan ang doble nga ngalan ug masiguro nga ang tabang moadto sa mga angay nga makadawat.
