Gibutyag sa Department of Trade and Industry (DTI), nga stable ra ang kahimtang sa mga Micro, Small, and Medium Enterprises sa tibouk probinsiya sa Sugbo, taliwala sa katalagman nga gisagubang sa mga naapektuhan sa linog, nahinay-hinay na usab ug recover ang mga negosyo sa amihanang bahin sa Sugbo.
Giangkon usab sa buhatan nga sa mga unang adlaw human sa linog, nasuta niini nga anaa gayu’y nakita nga “artificial shortage” o pagkuwang sa supply sa goods particular na ang mga instant noodles, de lata ug tubig gumikan kay ang mga pribadong sektor hilabi na ang mitunol ug hinabang sa mga naapektohan sa linog, mangompra gayud sa mga Highly Urbanize Cities.
Dugang usab niini, nga wala ra kaayu maapektuhi ang mga Negosyo sa ubang bahin sa probinsiya taliwala sa temporaryong pagpasara sa mga nagkadaiyang tindahan aron sutaon ang mga kadaot nga gikan sa linog, apan gihimug-atan sa DTI nga nagpabiling nag operate ug abli ang mga Negosyo sa Sugbo, taliwala sa mga kabalaka sa mga coustomer ug turista nga gustong moari sa probinsiya.
Wala ra usab nakita nga pagtaas sa presyo sa mga basic commodities human sa grabing linog gumikan kay mipagawas usab og kamandoan ang DTI kabahin sa “price freeze” ug nanghinaot usab ang buhatan nga dili abusaron sa mga gagmayng tindahan nga anaa sa amihanang sugbo ang nahitabong katalagman.
Gisuta usab sa buhatan ang mga dagkong tindahan aron masiguro nga walay nilapas sa mga kamandoan ug nakig-alayon usab kini sa mga merkado aron nga mo tuman sa mga lakang.
Samtang mamahimo usab nga mopadangat ug mensahi ngadto sa buhatan o motawag aron i-report ang mga tindahan nga milapas o nangabusar sa mga konsomidor.
Mapasakaan ug tukmang kaso ang masakpan nga nangabusar ug mamahimong mabilanggo ubos sa usa ka tuig ngadto na sa napulo katuig o pamultahon ug dili moubos sa P5,000 ngadto na sa P1-Million ang maong tag-iya.
