CEBU CITY-Hilabihan nga gikinahanglan ang dugo sa buwan sa Disyembre ug Enero matag tuig.Kini ang gipahibalo ni Dr. Amor Cielo Cantillas, ang blood center manager sa Philippine Red Cross-Eastern Visayas.
Matud ni Dr. Cantillas nga sa pagkakarun igo pa ang suplay sa dugo apan nagsugod na usab kini ug kaubos.
Subay niini, giawhag ni Cantillas ang publiko nga musalmot sa Dugong Bombo 2019 karung umaabot nga Nobyembre 16, adlaw nga Sabado.
Gibutyag sa nahisgutang doktor nindot ang pamati nga makatabang sa mga nagkinahanglan hayan giawhag niini ang tanan nga mu donate ug dugo.
Giangkon ni Dr. Cantillas nga wala pa’y pagtuon nga nagpamatuod nga ang pag-donate ug dugo ang makapaubos sa risgo sa ‘heart attack’, ug makapaubos sa timbang sa lawas, apan ang sigurado lang ang ‘satisfaction’ nga makuha sa mga donor nga nakatabang sa uban.
Samtang, mipahinumdom si Dr. Cantillas sa tanang mga gustong mag-donate ug dugo nga kinahanglan insakto ang pahuway sa dili pa ang bloodletting, likayan ang pag-inom ug ilimnon nga makahubog, ingun man nga kinahanglan nga naka-kaon arun nga dili malipong human nga makuhaan ug ug dugo.
