NEPAL-Gikatahong anaa sa 62 ka mga pasahero ang nawala human ang pagdahili sa yuta mibanlas sa duha ka bus ngadto sa suba sa Nepal.
Kasamtangang padayon pa ang search and rescue operation sa militar ug sakop sa mga kapulisan sa Trishuli River sa distrito sa Chitwan, 86 km gikan sa Kathmandu.
Gani, giangkon sa mga otoridad nga usa ka dakong hagit sa ilang gipahigayon nga pagluwas ug pagpangita sa mga nangawala tungod sa kataas sa tubig ug lapok sa suba.
Sa pagkakaron anaa sa tulo ka mga pasahero ang naluwas nga adunay minor injuries human miambak gikan sa bus sa wala pa ang pagdahili sa yuta ug lakip sa mga nawala kay ang pito ka mga Indian national.
Subay niini, si Prime Minister Pushpa Kamal Dahal mipahayag sa iyang pahasubo ug misaad nga ang search and rescue operations nga pakusgon.
