Milagrosong naka-ikyas sa kamatayon ang duha ka lalaki nga sakay sa light plane nga nahagsa human nga nihimo og emergency landing sa usa ka golf course sa Sydney’s Northern Beaches.
Basi sa flight records, ang Piper Cherokee light plane mihimo og emergency landing sa Mona Vale Golf Course sa Mona Vale diin mibiya sa Camden ug paingon sa Wollongong.
Duha ka mga lalaki, nga gituohang nagpangidaron og 50 anyos, nakahiagom og minor injuries sa pagkahagsa ug gitambalan sa mga paramedic.
Matud sa tigpamaba sa Australian Transport Safety Bureau (ATSB) nga adunay pilot instructor ug estudyante nga sakay sa eroplano sa dihang mihimo kini og emergency landing.
Makita usab sa usa ka video nga daghang mga tawo ang nagdula og golf samtang nahagsa kini nga miresulta sa kakurat sa niini.
Nagkatag ang mga tinumpag gikan sa eroplano sa agianan, bisan paman nga nagpabilin nga walay halos nadaot ang maong eroplano.
