Duha ka mga Korean drama nga gihangop ug nakatandog sa tibuok kalibutan hilabi na sa mga Pilipino ang naapil sa mga nominado isip pilianan sa best drama category alang sa 61st edition sa Baeksang Arts Awards, usa sa mga prestihiyosong award sa South Korea nga mahitabo ang awarding ceremony karong Mayo 5.
Diin mao kini ang ”The Trauma Code: Heroes on Call” ug ”When Life Gives You Tangerines”.
Susamang nominado ang bidang actor nga sila Park Bo-gum sa ‘When Life Gives You Tangerines’ ug si Ju Ji-hoon sa ”The Trauma Code: Heroes on Call”.
Nominado usab ang bida nga babaye sa WLGYT nga si IU sa Best Actress.
Ang Baeksang Arts Awards giisip nga usa sa tulo ka labing prestihiyosong award show sa South Korea, kauban ang Grand Bell Awards ug Blue Dragon Film Awards.
