Nasikop sa mga sakop sa Police Regional Office-7 ang giingong mga suspetsado sa pagpamusil-patay sa usa ka Businessman sa Tabogon, Cebu sulod lang sa usa ka adlaw.
Pinaagi sa gipahigayong retreival operation sa gigamit nga motorsiklo ug ang plaka niini, nga gikompirmar usab sa Land Transportation Office ug laing detalyadong impormasyon sama sa pagsubay sa CCTV footages nga nagpalibot sa lugar diin nahitabo ang krimen.
Ang mga nadakpan nga indibidwal nag edad og 21-anyos ug 43-anyos nga nagpuyo sa Sitio Ipil-Ipil, Alaska, Mambaling.
Samtang, narekober usab sa operasyon ang usa ka motorsiklo, usa ka kalibre 45 nga armas; laing usa ka sakyanan; 2 ka radyo; pula nga helmet ug pula nga sudlanan sa armas nga may markang “Tanfoglio”.
Anaa na sa kustodiya sa kapolisan ang mga suspetsado ug mag-atubang og igong legal nga kaso.
Sa pikas bahin, gipasidunggan usab ang ka epektibo sa koordinasyon nga naglangkob sa Tabogon Municipal Police Station, Cebu Police Provincial Office (CPPO), Provincial Intelligence Unit, ug Mambaling Police Station sa Cebu City Police Office (CCPO) nga nagpasiugda sa kamahinungdanon sa makuti nga imbestigasyon ug sa bag-ong paggamit sa teknolohiya sa pagpatuman sa balaod.
Giila usab niini ang suporta nga gihatag sa komunidad, nga
