Dul-an 200 ka mga pasahero sa eroplano, gipabakwit human nasunog

ITALY-Luwas nga nabakwit ang kapin sa 180 ka mga tawo human ang ilang gisakyan nga Ryanair Boeing passenger jet kay gilamoy sa sunog sa Italy.

Nasayran nga ang insidente samtang nag-ta-taxing ang eroplano aron molupad gikan sa Brindisi Airport sa habagatang Italya.

Ingon man nga ang nahitabo nga insidente duha ka adlaw human nibuto ang ligid sa usa ka Boeing nga eroplano samtang modunggo na unta kini sa Milan Bergamo Airport.

Matod sa Ryanair, ang eroplano kay paingon sa Turin City sa Italy.

Hinungdan nga gisirad-an ang tugpahanan sulod sa tulo ka oras.

Sa pagkakaron, gisusi sa mga otoridad ang hinungdan sa sunog.