CARCAR CITY-Dul-an P1-milyones ang danyos sa kabtangan nga naugdaw sa nahitabong sunog sa usa ka commercial building sa Sitio Danao 1, Barangay Valencia, dakbayan sa Carcar sa habagatang Sugbo niadtong Disyembre 24, 2024.
Sa pagsubay sa panghitabo nga sa susamang oras napasaka ang alarma sa unang hugna nga daling narespondehan sa mga sakop sa Bureau of Fire Protection – Carcar City nga sa pipila ka minute ang milabay hingpit kining na under control ug ingon man na fireout ang maong sunog.
Sa eksklusibong pakighinabi sa Bombo Newsteam kang FO1 Isidro Castro, ang Fire Investigator sa Carcar City Fire Station nga matod pa usa ka commercial building ang nasunong nga edipisyo lakip na ang usa ka bakery nga ginama sa light materials ug concrete structure.
Gipanag-iya kini sa usa ka Melcho Abadiano kansang sa inisyal nga imbestigasyon kay miabot sa P864,000 ang danyos sa insidente sa tulo ka mga patigayon nga mao ang usa ka bakery, motorshop ug agrivet store diin duha ang totally burned (bakery & motorshop) samtang usa ang partially burned (agrivet store).
Kasamtangang nagpadayon pa ang imbestigasyon sa mga kabumberohan sa dakbayan sa Carcar sa maong sunog aron sa pagsuta sa hinungdan niini.
Ingon man nga mipahimangno usab ang mga awtoridad nga nunot niining holiday season mas maayong mag amping o ugalion ang pag check sa panimalay sa dili pa molakaw o mo gawas aron malikayan ang insidente sa sunog.
