Gikatahong nagpabilin nga operational ang mokabat sa 100 ka mga Philippine Offshore Gaming Operator (POGO) ang gikanselar.
Matod sa Presidential Anti-Organized Crime Commission (PAOCC), adunay kinatibuk-an nga 402 ka mga POGO hubs basi sa listahan sa Philippine Amusement and Gaming Corporation (PAGCOR) nga gihatag sa miaging tuig.
Apan sa ilang monitoring, dul-an sa 100 niini ang padayon pa nga nag-operate.
Sa pagkakaron, 4 lang ka POGO hubs ang gipasirad-an pinaagi sa tabang sa Philippine National Police ug National Bureau of Investigation.
Gipasabot sa opisyal sa PAOCC nga moabot ug 5 ka semana ang case buildup ug 2 ka buwan alang sa operasyon sa POGO hub.
Samtang, si Casio niingon nga nagdepende kini kang PAOCC chairman Executive Sec. Lucas Bersamin kon irekomendar kang Presidente Ferdinand Marcos Jr. ang kinatibuk-ang pagdili sa POGO sa nasud.
Kung kahinumdoman, una nang nanawagan si Senador Risa Hontiveros sa Executive department ug sa pamunoan sa Senado nga aksiyonan ang rekomendasyon sa pagdili sa POGO sa atong nasud.
