CEBU CITY- Padayon nga gihingosgan sa Cebu City Police Office ang ilahang paningkamot sa pagmintinar sa kahapsay ug kalinaw sa Dakbayan sa Sugbo.
Hinungdan nga ning bag-ohay lamang atol sa usa ka semana nga operation o gikan sa November 29 ngadtu sa December 5, 2024.
Nasakmit sa kapulisan sa Dakbayan sa Sugbo ang dul-an sa P23-Milyones nga illegal drugs atol sa ilahang gilusad nga 34 ka mga operasyon, nga hinungdan sa pagkasikop sa 37 ka indibdiwal og pagkasakmit sa 3,346.02 grams nga adunay standard drug price nga P22,752,936.00.
Dugang pa, nga sulod lamang sa usa ka semana, nasikop usab ang Pito ka-most wanted person ug laing 14 nga wanted person.
Samtang, sa Loose Firearms, nakahimo sila og walo ka operasyon, ug nasikop ang anaa sa walo ka indibidwal.
Sa Illegal Gambling nadakpan ang anaa sa 51 ka mga sugarol sa 38 ka mga operasyon nga gipahigayon ug nasakmit ang anaa sa 5,498.00 nga beating money.
Dinhi, gidayeg ni Police Colonel Antonietto Cañete, ang City Director sa Cebu City Police Office ang kapulisan sa ilahang malampuson nga operasyon ug nagpasalamat sa kooperasyon sa publiko hinungdan nga nagpadayon ang kalinaw ug kahapsay sa Dakbayan sa Sugbo.
Gidugang sa opisyal, nga nag-padayon ang ilahang paningkamot sa pagsumpo sa illegal nga drugas, ilabi na nga nagkadool na ang Pasko, Bag-ong tuig ug Sinulog-2025.
Hinungdan, nga nakig-alayon sila sa mga nagkadaiyang ahensiya a Gobyerno./
