PROVINCE OF BOHOL- Nakadawat og financial assistance ang anaa sa 1,946 ka mga mag-uuma sa humay gikan sa pito ka lungsod sa Bohol nga gipahigayon sa Talibon Atrium, gahapong adlawa, Nobiyembre 27,2024.
Kung diin, ang matag mag-uuma nakadawat og P 5,000.00 ug fuel discount voucher (FDV) nga nagkantidad og P 3,000.00 gikan sa Department of Agriculture (DA).
Ang mga mag-uuma gikan sa Talibon, Ubay, San Miguel, Dagohoy, Trinidad, Bien Unido, ug Pres. Carlos P. Garcia.
Dugang pa, nga dul-an sa 1,498 ka mga mag-uuma sa humay ang nakadawat sa P5,000.00 ubos sa Rice Farmers Financial Assistance (RFFA), samtang 448 ang nag-claim sa ilang FDVs, gipondohan ubos sa mga programa sa bugas.
Ang mga benepisyaryo sa mag-uuma mipaabot sa ilang pasalamat ngadto sa DA ug sa ilang tagsa-tagsa ka local government units sa suporta nga nadawat.
Karung adlawa, laing hugna sa RFFA ug FDV distribution ang ipahigayon sa Guindulman, Probinsiya sa Bohol.
