CEBU CITY- Nilusad og komprehensibo ug gipakusog nga kampanya batok sa mga kriminal nga kalihukan ang Cebu City Police Office (CCPO) ubos sa pagpangulo ni Police Col. Enrico Evangelista Figueroa, ang Acting City Director, aron pagpalig-on sa kaluwasan sa publiko ug pagmintinar sa kahapsay.
Hinungdan nga ning bag-ohay lamang atol sa usa ka semana nga operation o gikan sa Enero 17 ug 23, 2025, ang CCPO nagpatuman sa sunodsunod nga estratehikong anti-criminality operations nga misangpot sa pagkasikop sa 104 ka mga suspek ug mga malapason sa balaod.
Kining hiniusang paningkamot nga nagpunting sa pag-atubang sa mga mahinungdanong isyu sama sa ilegal nga droga, ilegal nga sugal nga mga kalihokan, ug ang paghupot sa mga loose firearms nga kritikal nga bahin sa pasalig sa kapolisan sa pagsuporta sa kaluwasan sa publiko.
Nasakmit sa kapulisan sa Dakbayan sa Sugbo ang gibana-bana nga ₱4,048,380 nga kantidad sa gidudahang shabu, nga mikabat sa 595.35 gramo, nga resulta sa 34 nga koordinado nga operasyon sa pulisya.
Dungan niini, ang kampanya batok sa ilegal nga sugal nihatag ug dakong resulta, diin ang CCPO nakadakop sa 38 ka indibidwal sa 22 ka managlahing operasyon sulod sa dakbayan sa Sugbo.
Samtang, sa Loose Firearms, nakumpiska usab ang 8 ka loose firearms sa tibuok niini nga operasyon.
Dugang pa, malampuson usab nga nasikop ang 16 ka mga wanted persons, dihi gipakita sa CCPO ang pagkaepektibo niini sa pagpatuman sa ilahang mga warrant.
Kining multifaceted operations nagpasiugda sa dili matarug nga pasalig sa CCPO sa pagsiguro sa kalinaw, seguridad, ug kahapsay sa tibuok dakbayan sa Sugbo, nga nagpakita sa usa ka proactive nga pamaagi sa pagpanalipod sa komunidad batok sa mga kriminal nga kalihokan.
Kini gumikan kay gihingosgan sa Kapulisan ang ilahang kampanya sa paningkamot sa pagmintinar sa kahapsay ug kalinaw sa Dakbayan sa Sugbo.
