LAPU-LAPU CITY, CEBU-Malampuson nga nasikop ang usa ka indibidwal atol sa gipahigayon nga hiniusang buy-bust operation sa City Intelligence Unit ug City Drug Enforcement Unit sa Lapu-Lapu City Police Office sa Brgy Buaya, dakbayan sa Lapu-Lapu.
Diin nasakmit sa operatiba sa usa ka lalaki ang kapin sa usa ka kilo nga gituohang shabu nga adunay kantidad nga dul-an sa P7 milyones.
Gipaambit ni Lapu-Lapu City Mayor Junard ‘Ahong’ Chan nga ang maong dinakpan bag-o nga nakagawas sa prisohan ug adunay kontak sa prisohan ug sa dihang mo-dispose kini og mga gidiling drogas, namonitor kini sa mga sakop sa kapulisan.
Subay niini, dako ang pasalamat sa mayor sa mga sakop sa kapulisan nunot sa ilang padayon nga pakigbisog sa iligal nga drogas ug wala’y hunong sa gitinguha arun hingpit nga matuldokan ang maong matang.
