CEBU – Giawhag ni Dumanjug Mayor Efren ‘Gungun’ Gica ang iyang mga konstituwente nga magmatngon ug magpabiling mabinantayon bisan pa man sa walay kompirmadong insidente sa abduction ug kidnapping sa ilang lungsod.
Giklaro sa Mayor nga walay abduction, kidnapping, ug susamang krimen nga nahitabo sa lungsod.
Kini human ang Public Information Office (PIO) sa munisipyo niini nimando sa publiko, ilabi na sa mga estudyante, nga magmatngon sa mga drayber ug mga kadudahang tawo nga mohatag og libreng sakay.
Kini nga pamahayag giluwat human nanggawas ang dili mapamatud-an ug dili opisyal nga mga taho sa pagdagit ug pagkidnap, nga mikaylap sa social media, ug sa mga adlaw unang adlaw sa pagbalik sa eskuylahan.
Una nang nipasalig ang mga kapulisan sa Sugbo ngadtu sa publiko nga walay gikataho ug verified kidnapping ug attempted kidnapping incidents dili lang sa isla nga probinsya kon dili lakip na sa tibuok Visayas region.
Kini usab ang gikompema sa Anti-Kidnapping Group Visayas Field Unit sa sayo pa, nga ang mga post nga nag-ingon nga kidnapping ug attempted kidnapping sa Sugbo nga nikatap sa social media bag-ohay lang mao ra gihapon ang mga post nga gi-share kaniadto sa niaging mga tuig.
