Namatay ang lima ka tawo ug 40 ang naangol human sa pagkalimbuwad sa usa ka Dutch tour bus sa sidlakang bahin sa Switzerland.
Nahitabo ang aksidente niadtong Hwebes sa hapon sa tunga-tunga sa mga baryo sa Susch ug Zernez sa canton sa Graubuenden, diin moabot sa 45 ka tawo ang naa sa sulod.
Nipadayag ang kapolisan nga tulo sa mga naangol ang nagpabilin nga naa sa seryusong kahimtang sa ospital, ug nagpadayon ang imbestigasyon sa mga prosecutor ug pulis aron masayran ang hinungdan sa pagkahulog ug pagkalimbuwad sa bus human kini nakabangga sa usa ka roadside crash barrier.
Nipagawas og pamahayag ang travel agency nga Oad nga nag-ingon nga sila hilabihang naapektuhan ug naguol sa maong trahedya ug nga ang ilang mga hunahuna anaa uban sa mga biktima ug sa ilang mga pamilya.
Sa pikas bahin, nipasalig si Swiss President Guy Parmelin pinaagi sa usa ka post sa X nga masiguro sa mga awtoridad sa Switzerland ang usa ka komprehensibo ug tinuoray nga imbestigasyon sa maong nahitabo.
