Gihangyo ni kanhi Presidente Rodrigo Duterte ang iyang mga supporters nga hunongon na ang pagpanghilabot sa iyang kaso sa International Criminal Court (ICC), sumala ni Bise Presidente Sara Duterte.
Sa usa ka pamahayag, si VP Sara miingon nga kini ang mensahe sa iyang amahan nga gipaabot ngadto sa iyang abogado, tungod kay wala sila magkita niadtong Marso 28.
Sumala pa ni Sara, ang kanhi presidente miingon nga ang iyang legal team ug ang korte kinahanglang modumala sa mga proseso sa kaso nga walay sobra nga impluwensya sa gawas.
Gihisgotan usab ni FPRRD nga dili hisgutan sa publiko ang kaso, hilabi na mahitungod sa mga reklamante sa ICC.
Isip alternatibo, gidasig sa FPRRD ang mga dumadapig niini sa pagtabang sa mga kandidato sa PDP-Laban sa umaabot nga piniliay sa Mayo.
Sa laing bahin, si VP Sara niingon nga ang iyang amahan nagplano na og mga rally alang sa mga kandidato sa wala pa kini madakpi ug mi-surrender sa ICC niadtong Marso 11, apan dili na siya makapangampanya.
