CEBU CITY — Nadesisyunan ni Cebu City Mayor Edgardo Labella nga lugwayan ang gipatumang enhanced community quarantine sa dakbayan hangtud sa Mayo 15 nunot na sa nagkasakang kaso sa COVID-19.
Sa interview sa Bombo Radyo ngadto ni Mayor Edgardo Labella, nagkanayon kini nga na-analyze niini ang kasamtangang sitwasyon ug nidangop kini daan sa mga eksperto sa panglawas hinungdan nga nabutyag ang maong desisyon.
Matud ni Labella nga padayon pa ang ilang massive testing alang sa mga lugar nga adunay positive cases sa COVID-19.
Mipasalig karon ang mayor sa katawhan nga ilibkas niini ang ECQ sa dakbayan kung adunay significant nga pagkunhod sa mga recorded cases.
Mihangyo si Labella sa mga Sugbuanon nga makig-cooperate kaniya aron pakigbatukan ang kontra nga dili makita nga mao ang coronavirus.
Gikatakdang moluwat og executive order si Labella kalabot na sa maong desisyon karong sunod semana.
