-- ADVERTISEMENT --
Nahugyaw ang lokal nga mga fans kay nidaog si EJ Obiena sa Ayala World Pole Vault Challenge nga gipahigayon sa Ayala Triangle Gardens, Makati City niadtong Domingo, Septiyembre 21.
Bisan pa sa dili maayo nga panahon, si Obiena nihaw-as sa 5.80 metros, ang iyang labing maayo karong season, ug gipildi si Thibaut Collet sa France pinaagi sa countback. Ang duha nakahawan sa 5.80m, apan si Obiena maoy midaog.
Mao kini ang unang internasyonal nga titulo ni Obiena sa iyang yutang natawhan.
Si Obiena nisuway usab sa paglapas sa 5.85m (kaduha) ug 5.90m (makausa) apan napakyas. Samtang si Collet, kinsa mitapos sa ikalima sa bag-ohay nga World Athletics Championships, napakyas usab sa paglapas o layat sa 5.90m sa tulo ka pagsulay.
