Mitapos lamang sa ika-7 dapit ang Filipino pole vaulter nga si EJ Obiena human sa torneyo niini sa Meeting International d’Athletisme Herculis sa Diamond League sa Monaco niadtong Sabado, Hulyo 12, 2025.
Anaa sa ika-7 dapit si Obiena sulod sa 11-man field competition human mitapos sa 5.72 meter height.
Ang 29-anyos nga Pinoy pole vaulter kay misuway pa sa paglatay sa gitas-on nga 5.82 meters apan pakyas kini human sa 3 ka pagsuway nga nakapataktak niya sa kompetisyon.
Kini nga duwa nagtimaan sa pagbalik duwa ni Obiena sukad niadtong buwan sa Hunyo didto sa Stockholm, Sweden diin mitapos sab siya sa masulob-ong ika-7 dapit.
Samtang ang World ug Olympic record holder nga si Armand “Mondo” Duplantis kay pabiling dili matarog sa iyang trono human mi-clear sa height nga 6.05 meters.
Ingon man nga ang Greek pole vaulter and Paris Olympics bronze medalist nga si Emmanouil Karalis ang naa sa silver medal podium human sa iyang pag-clear sa 5.92 meter height.
Ang Australian pole vaulter nga si Kurtis Marschall ang anaa sa bronze medal podium human mi-clear sa height nga 5.92 meters.
