Napakyas si EJ Obiena nga makaabot sa podium sa bag-o lang natapos nga Wanda Diamond League sa Keqiao, China ug mitapos sa ikalimang dapit.
Mihuman lang ang world No. 4 nga pole vaulter og 5.72 metros, nga maoy nagtabla kaniya sa laing tulo ka mga atleta, apan nahulog siya sa ikalimang dapit tungod sa countback.
Nakahigayon pa siya nga makaabot sa podium apan napakyas sa iyang tulo ka attempt sa 5.82 meter.
Nagpabiling nag-una si Mondo Duplantis sa Sweden sa iyang 6.11 meter nga attempt, samtang si Emmanouil Karalis sa Greece nahimutang sa ikaduha nga adunay gitas-on nga 6.01 meter.
Bisan og wala siya makaabot sa podium, ang performance ni Obiena gikonsiderar nga mas maayo kon itandi sa iyang unang leg sa Diamond League sa Xiamen, China, diin iyang gihawiran ang 5.62 metro.
Human sa kompetisyon, gipaabot nga mobalik sa Pilipinas si Obiena alang sa PATAFA Pole Vault Challenge nga iyang gitabangan sa pag-organisar sa Ayala Vermosa Sports Hub sa Cavite niadtong Mayo 6.
