Ekonomiya sa nasud, molambo sunod tuig – IMF

Posibleng molambo ang ekonomiya sa Pilipinas sunod tuig basi sa forecast sa International Monetary Fund.

Matod sa IMF, posibleng motubo og kapin 6% samtang 5.8% sa kasamtangang tuig.

Kini bisan pa sa mga hagit nga giatubang sa Pilipinas lakip na ang inflation.

Gipasabot pa sa IMF nga gamay ra ang ilang giputol sa ilang projection karong tuiga ug sa 2025.

Bisan pa niini, ilang gipaneguro nga ang Pilipinas magpabilin sa ‘best performing economies’ sa tibuok Asya.

Kini nga pag-uswag tungod usab sa kahimtang sa panalapi ug mas taas nga pamuhunan sa nasud.