Nagpabiling lig-on ang ekonomiya sa Pilipinas bisan pa sa mga external challenges ug heightened policy uncertainty, sumala sa International Monetary Fund (IMF) kaniadtong Biyernes, Mayo 23.
Sa usa ka pamahayag, ang IMF Mission Chief nga si Elif Arbatli Saxegaard miingon nga ang pag-uswag sa ekonomiya gilauman nga mohusay sa 5.5% karong tuiga ug mokusog pa ngadto sa 5.8% sa sunod tuig.
Usa ka IMF team nga gipangulohan ni Saxegaard ang nagpahigayon og mga miting sa Manila gikan sa Mayo 14 ngadto sa petsa 20 aron hisgutan ang bag-o nga ekonomikanhon ug pinansyal nga kalamboan ug ang panglantaw sa ekonomiya sa Pilipinas.
Apan bisan pa niini, siya gihapong nagtuo nga ang pag-uswag sa ekonomiya maapektuhan sa global policy uncertainty ug pagkunhod sa pagtubo sa dagkong mga ekonomiya.
Gilauman sa IMF nga motubo ang pagkonsumo, gisuportahan sa ubos nga inflation, pagpagaan sa monetary policy, ug ubos nga unemployment rate ang pipila ka mga paagi niini.
Ang inflation gipaabot nga mohusay sa 2.2% karong tuiga, duol sa lower end sa 2% ngadto sa 4% nga target range sa gobyerno.
Dugang ni Saxegaard nga ang pagpagaan sa inflation kay magtugot sa Bangko Sentral ng Pilipinas (BSP) sa pagpaus-os pa sa policy rates.
