Nagpadala ang El Salvador og kapin sa 2,000 ka sundalo ngadto sa Haiti isip kabahin sa usa ka misyon sa pagluwas sa upat sa ilang mga lungsoranon nga gikatahong nawala.
Personal nga nakig-istorya si El Salvador President Nayib Bukele ngadto kang Haitian Prime Minister Alix Didier Fils-Aimé bahin niini nga misyon.
Motabang usab ang maong mga sundalo sa pagpatuman sa seguridad sa Haiti ug sa pagpakigbatok sa mga gang.
Misamot ang tensyon tali sa duha ka nasod human nawala ang upat ka air force technicians nga sakop sa usa ka yunit nga nakigbatok sa mga gang sa Haiti.
Ang upat ka sundalo, nga sakop sa Gang Suppression Force (GSF), paingon na unta balik sa ilang base dihang kalit silang gi-ambush ug gidagit.
Wala pay grupo nga miangkon sa responsibilidad sa maong insidente.
Ang kining dako nga operasyon gisuportahan sa nagkalainlaing mga nasod ug pipila ka international organizations.
