Ellen Adarna, gipakita na ang hulagway sa anak nga babae sa publiko

Mapasigarbohong gipasundayag ni Aktres Ellen Adarna ang anak nga babae nila ni Derek Ramsay, sa unang higayon sukad kini natao.

Mao kini ang unang higayon nga gipakita ni Ellen sa publiko ang hulagway sa iyahang anak, kay sa mga niaging buwan, tiil o kamot lang ang ipakita niini sa tanang mga post sa aktres sa iyahang tagsa-tagsa ka social media accounts.

Kahinomdoman nga niadtong Oktobre 2024, gipakatao ni Ellen ang ikaduha niyang anak, apan una nila ni Derek Ramsay.

Base sa post sa aktres, daghan kayo ang nakadayeg sa panagway sa maong bata.

Nakakuha kini og mga nindut nga reaksyon sa publiko, sa ka-anyag sa mga hulagway sa bata nga gilantad ni Ellen sa iyahang post.(Bombo Irene Ardiente)