Gitun-an karon ni Cebu City Mayor Nestor Archival ang sugyot sa pag pang-apud-apod sa mga emergency “Go Bags” ngadto na sa matag panimalay, ubos sa pagpaningkamot sa pagpalig-on sa pagpangandam sa posibleng kalamidad sa dakbayan.
Mao kini ang gipahibalo ni Archival atol sa usa ka sinemanang press conference, diin matod niya, ang maong proyekto inspired sa Pasig City nga naghatag sa mga residente og ready-to-grab emergency kits nga adunay mga importanteng survival items, ug aduna kini sulod sama sa dry bag (waterproof), emergency thermal blanket, hand-pressing flashlight (wala magkinahanglan ug baterya), glow sticks, whistle, gunting, trash bag, first aid kit, ug gikatahong P992 matag usa ang kantidad niini.
Napanglatawan usab ni Archival nga usa kini ka nindut ug maayong ideya, samtang nagpadayon sa pagtuon kung unsa ang pamaagi niini sa pagpang-apod-apod ilabi na nga basi sa pagpanukiduki,adunay 140,00 ka mga pamilyahan ang syudad sa Sugbo.
Dugang pa niya nga ang lokal nga kagamhanan padayon pang nag-evaluate sa feasibility ug logistics sa proyekto, partikular na ang mahitungod sa pondo ug patas nga pag-apod-apod, ug gitataw nga siya ug si Bise Mayor Tomas Osmeña nagsusi sa proseso sa pagplano aron maseguro nga ang tanang panimalay makabenepisyo sa programa.
Ang emergency go bags gilangkoban sa mga butang nga praktikal ug gitumong sa paghatag og batakang kaluwasan ug kaharuhay sulod sa 72 ka oras sa mga sitwasyon sa kalamidad.
Kini nagtumong ug nagsiguro nga ang mga residente adunay mga ekipo alang sa light, signaling, warmth, minor medical needs, ug waste disposal, diin tumong niini mao ang pagtabang sa mga residente nga magpabiling luwas ug andam panahon sa mga emerhensya sama sa linog, bagyo, o pagkawala sa kuryente.
