Emma Tiglao, gipahalipayan sa mga kaubang beauty queens sa kadaogan niini sa Miss Grand International 2025

0
-- ADVERTISEMENT --

Nakadawat og pahalipay si Emma Tiglao gikan sa iyang mga kaubang beauty queen human nga nasakmit ang sunod-sunod nga kadaugan sa Pilipinas sa Miss Grand International (MGI) 2025, nga gipahigayon sa Thailand niadtong Oktubre 18.

Lakip sa nipadayag og pagdayeg ug pahalipay mao sila si Miss Universe 2018 Catriona Gray, MJ Lastimosa, ug Victoria Velasquez Vincent, ingon man ang pipila ka mga Miss Grand International candidates gikan sa nagkadaiyang nasud.

Gipildi ug gi-awngan ni Emma ang 73 ka mga kandidata gikan sa tibuok kalibutan ug gidawat ang korona gikan sa kaubang Pinay nga si CJ Opiaza, kinsa Miss Grand International 2024.

Sa iyang Top 10 speech, gituki ni Emma ang isyu sa korapsyon sa Pilipinas, samtang sa Top 5 Q&A, iyang gipasiugda ang importansya sa edukasyon ug higpit nga pagpatuman sa balaod aron mahunong ang mga scammers ug human trafficking.