Gikabutyag ni Aileen Jean Agosto, ang Coach sa Secondary Girls Football sa Palarong Pambansa 2026 sa Agusan del Sur, nga maayo ang ilahang natagamtam nga accommodation sa Agusan.
Giasoy niya nga ang ilahang giistaran nga lawak kay naka air-conditioned, well-provided usab sila sa ilahang mga kits, ug tanang gikinahanglan sa mga athletes aron lang ipaambit ang init nga suporta matag usa sa atleta.
Mao kini ang gipaambit ni Agosto, atol sa eksklusibong pakighinabi sa Bombo Radyo Cebu kaniya, diin iyang gidugang nga gawas sa maayong akomodasyon nga nasinati nila didto karon sa Agusan, mapatimbaya kayo ang mga tao sa ilahang palibot, mao nga bisan pa 1st experience nila kini, maka ingun sya nga “the best experience.”
Samtang, gikanayon ni Agosto usab nga anaa na sila sa hugna sa “placement game” tungod kay ang Secondary Girls Football anaa nay 2 wins- 2 losses.
Apan, sa Elementary Girls Football, wala pa kini natalang daog kay matod pa niya, galisud gayud ang mga atleta ug mga gagmay papud kaayo.
Pero bisan paman, gipasigargbo gihapon ni Agosto nga nihatag kini og nindot nga duwa, gani thrilling ang nahimong duwa niini gumikan kay 1 ra ka puntos ang ligas sa kontra niini.
